 |
| അജിതന്‍ ചിറ്റാട്ടുകര |
എനിയ്ക്ക്
ഒരു പായ കടലാസ് തരൂ .
അതിലെനിക്ക്
ഒരു കാടിനെ നട്ടുവളര്‍ത്തണം
ഒരു കൊച്ചു വീടിനെ
കെട്ടിപ്പടുക്കണം.
എന്നാല്‍
തന്നില്ല നിങ്ങള്‍
ഒരു കീറകടലാസുപോലും
എന്റെ നിറങ്ങള്‍ പെറുക്കിയെടുത്ത്‌
നിങ്ങള്‍ നിര്‍ദ്ദയം കടലിലൊഴുക്കി .
എന്റെ ബ്രഷിന് നിങ്ങള്‍
ഹര്‍ഷാരവത്തോടെ തീ കൊളുത്തി .
കറുത്തവന്‍ വരച്ചാല്‍
കടലാസില്‍ മഷി പടര്‍ന്ന്
വികൃതമാകുമത്രേ !
ചായങ്ങള്‍ കൊണ്ട്
ഞാന്‍ നിറം കൊടുക്കേണ്ടെന്ന്
നിങ്ങള്‍ ന്യായം വിധിച്ചപ്പോള്‍
ഗോത്ര വര്‍ഗത്തിന്റെ
ശാപത്തില്‍ വിന്യസിച്ച്
തെരുവോരങ്ങളില്‍
ഒരു തുണ്ടം കടാലാസിന്
ഞാന്‍ കൈ നീട്ടി .
No comments:
Post a Comment