വന്നുവീഴുന്നവ മുഴുവന്‍
അപ്രക്ത്യക്ഷമാവുന്ന
ഈ മുറിയോടുകൂടിയാണ്
എന്നെ പെറ്റത്.
ഗര്‍ഭപാത്രത്തില്‍
ഞാന്‍ കിടന്നത് കഴിച്ച്
ബാക്കിയായ കുറച്ചു സ്ഥലവും
എന്നോടൊപ്പം പോന്നു.
നൂറുനാട്ടില്‍ മാറിമാറിക്കഴിഞ്ഞാലും
എനിക്കൊപ്പമുള്ള സ്ഥലം.
ഈ മുറിയോടുകൂടി
എന്നെപ്പെറ്റതുകൊണ്ടാണ്
ഇവിടെ വന്നുവീണവ മുഴുവന്‍
അപ്രത്യക്ഷമായിട്ടും
ഞാനിപ്പോഴും
പ്രത്യക്ഷനായിത്തന്നെയിരിക്കുന്നത്.
വാതില്‍ക്കല്‍ നിന്ന്
ചുഴിഞ്ഞു നോക്കുന്ന നിങ്ങള്‍
എന്നെക്കാണുന്നുണ്ടല്ലോ
ഇല്ലേ..?
5 comments:
എന്തായാലും കവിതയുടെ വാതില്‍ക്കല്‍ വന്നു നോക്കുന്നവര്‍ ഒരു ചുഴിഞ്ഞു നോട്ടവവും കൂടാതെ രാമേട്ടനെ കാണും തീര്‍ച്ച
തമോഗര്‍ത്തങ്ങള്‍ .....!!
നന്നയിരിക്കുന്നു
രാമന്‍ എഫക്റ്റ്
വീണ്ടും
കവിതയും
ചിത്രവും
കലക്കി
good 1
Post a Comment